உங்களுக்கு முடி கொற்ற பிரச்சனை இருக்கா ? தலை சீவும் போதெல்லாம் முடி கொட்டிக்கிட்டே இருக்கா? உங்க வீட்ல இருக்க பொருட்களை வச்சி பயன்படுத்தறது எப்படி?

உங்களுக்கு முடி கொற்ற பிரச்சனை இருக்கா ?  தலை சீவும் போதெல்லாம் முடி கொட்டிக்கிட்டே இருக்கா? உங்க வீட்ல இருக்க பொருட்களை வச்சி  

பயன்படுத்தறது எப்படி?

முட்டை மசாஜ் - முடி இழப்புக்கு

தேவை:

முட்டை -1

தேன் - 1 டீஸ்பூன்

ஆலிவ் எண்ணெய் - 1 டீஸ்பூன்

முட்டையின் வெள்ளை கருவை தனியாக எடுத்து அதில் தேன் மற்றும் ஆலிவ் எண்ணெய் கலந்து நன்றாக கலக்கவும்.இதை முடியை சிக்கில்லாமல் சீவி முடியின் நுனியிலிருந்து வேர்ப்பகுதி வரை தடவி தலையை பேக் செய்யவும். 20 நிமிடங்கள் கழித்து இலேசான ஷாம்பு கொண்டு தலையை அலச வேண்டும்.

முட்டையின் வாடையை தாங்க முடியாது என்றாலும் முட்டையில் சல்ஃபர், பாஸ்பரஸ், செலினியம், அயோடின், துத்தநாகம் மற்றும் புரதச்சத்துக்கள் நிறைந்துள்ளன. இவை முடி உதிர்தலை நன்றாக கட்டுப்படுத்துவதோடு முடி வளர்ச்சியையும் ஊக்குவிக்கிறது. வாரத்துக்கு இரண்டு முறையாவது இதை செய்ய வேண்டும்.

தேங்காய்ப்பால்

தேங்காய் - பருப்பு மிகுந்த தேங்காய் - 1

மிளகுப்பொடி - 1 டீஸ்பூன்

வெந்தயத்தூள் - 3 டீஸ்பூன்

தேங்காய்ப்பால் முடி உதிர்தலை கட்டுக்குள் வைக்க சிறப்பாக உதவி செய்யும். முடி மெலிந்து போவதை தடுக்கவும், முடி வளர்ச்சியை ஊக்குவிக்கவும் உதவும். தேங்காயை துண்டுகளாக்கி மிக்ஸியில் அரைத்து பால் பிழியவும். அதை இலேசாக சூடுபடுத்தி வெந்தயப்பொடி, மிளகுப்பொடி கலந்து மிதமான சூடு இருக்கும் போதே கூந்தலின் வேர்ப்பகுதி முதல் அடிப்பகுதி வரை தடவி 20 நிமிடங்கள் ஊறவிடவும். பிறகு மைல்டான ஷாம்பு கொண்டு அலசவும்.

பழைய மொபைல் -லிருந்து புதிய மொபைல் -கு Whats Up files ஐ எப்படி transfer  செய்வது?

தேங்காய்ப்பாலில் இருக்கும் புரதங்கள் முடி உதிராமல் முடிக்கு வலு கொடுத்து ஊட்டச்சத்தை தருவதால் முடி உதிர்வு தடுக்கப்படுகிறது. இதில் உள்ள கொழுப்புகள் முடி வளர்ச்சிக்கு உதவுகிறது மிளகு தலையில் இருக்கும் வெட்டு, தடுக்கிறது. வெந்தயம் கூந்தலுக்கு பொலிவை தருகிறது. வாரம் இருமுறை செய்துவரலாம்.

வெந்தயம் 

வெந்தயத்தை முன் தினம் ஊறவைத்து அந்த நீரிலேயே அரைத்து பேஸ்ட் போல் ஆக்கவும். கொரகொரப்பாக இருந்தால் கூந்தலில் ஒட்டாமல் உதிரக்கூடும்.பிறகு இதை கூந்தலின் வேர் முதல் நுனி வரை தடவி 30 முதல் 40 நிமிடங்கள் வரை ஊறவிட்டு தலைக்கு அலச வேண்டும்.

வெந்தயம் ஊறவைத்து தலைக்கு குளிப்பதாக இருந்தால் ஷாம்பு பயன்படுத்தாமல் தலைக்கு குளிக்க வேண்டும். குளிர்ச்சியானது என்றாலும் இவை நல்ல தீர்வு கொடுக்கும் என்பதால் மாதம் இருமுறையாவது பயன்படுத்துங்கள். ஏனெனில் முடி உதிர்வுக்கு சிறந்த தீர்வு தரக்கூடியது வெந்தயம் . அதோடு முடி பிரச்சனைகளும் இல்லாமல் செய்யும்.

வெங்காயச்சாறு

முடி உதிர்வு அதிகப்படியாக இருந்தால் தலையின் ஸ்கால்ப் பகுதி வரை தெரியக்கூடும். இதை தடுக்க உதவும் பொருள் நம் சமையலறையில் இருக்கும் வெங்காயம்.வெள்ளை, சிவப்பு, சின்ன வெங்காயம் என்று மூன்று வகை இருந்தாலும் இதில் நல்ல பலன் கிடைக்க சாம்பார் வெங்காயம் பயன்படுத்தலாம். இதில் சல்ஃப்ரும், கால்சியமும் அதிகம் இருக்கிறது. 10 வெங்காயம் எடுத்து நசுக்கி சாறாக்கி நீர் சேர்க்க வேண்டாம்.

கேரளாவில் நடந்த அதிசயம் என்ன தெரியுமா?

அந்த சாறை வெள்ளைத்துணியில் பிழிந்து பஞ்சில் தோய்த்து தலையில் ஒற்றி எடுத்தால் முடி குறைவாக, ஸ்கால்ப் தெரியும் பகுதியில் அதிகப்படியாக சாறு தடவ வேண்டும். பிறகு 20 நிமிடங்கள் கழித்து வெதுவெதுப்பான நீரில் குளித்துவந்தால் முடி உதிர்வு தடுக்கப்பட்டு முடி வளர்ச்சி இருக்கும். குறிப்பாக உச்சந்தலை பகுதியில் சற்று அதிகப்படியாக தடவ வேண்டும். வாரத்துக்கு இரண்டு அல்லது மூன்று முறை இதை பயன்படுத்த வேண்டும்.

நெல்லிக்காய்  

தேவை

நெல்லிக்காய் - கொட்டையில்லாமல் நீக்கி நறுக்கியது அரை கப்

எலுமிச்சை சாறு - தேவைக்கு

நெல்லிக்காயை பேஸ்ட் போல் அரைத்து அதனுடன் எலுமிச்சை சாறு சேர்த்து நன்றாக கலக்குங்கள். அல்லது நாட்டுமருந்துகடைகளில் நெல்லிப்பொடி கிடைக்கும் அதை வாங்கி நேரடியாக எலுமிச்சை சாறு கலந்தும் பயன்படுத்தலாம்.இதை கூந்தலின் வேர் முதல் நுனிவரை தடவி 30 நிமிடங்கள் முதல் 40 நிமிடங்கள் வரை ஊறவிட வேண்டும். பிறகு வெதுவெதுப்பான நீரில் மைல்டான ஷாம்பு கொண்டு குளிக்க வேண்டும்.

நெல்லிக்காய் வைட்டமின் சி நிறைந்தது. இதை சாப்பிடும் போதே இளநரை பிரச்சனை வராமல் தடுத்துவிடலாம். அதோடு இவை கூந்தலை பலப்படுத்தக்கூடியவை. உடல் ஆரோக்கியம் போன்று கூந்தல் ஆரோக்கியத்துக்கும் நன்மை செய்பவை. கூந்தல் வெடிப்பிலிருந்தும் வறட்சியிலிருந்தும் காப்பாற்றும். முடி உதிர்தலை கட்டுப்படுத்தி வளர்ச்சிக்கும் உறுதுணையாக இருக்கும். வாரம் ஒரு முறை இதை பயன்படுத்தினால் கூட போதும்.